СВОД МАСТЕР АД на EqualXChange 2025: Успешната приказна за „Глеј“ како инспирација за новите генерации

На 13 јуни 2025 година, се одржа четвртото издание на годишната конференција EqualXChange: Empowering Ideas, Inspiring Journeys, на која учествуваше и Дарко Перушески, извршен директор и ко-основач на СВОД МАСТЕР АД, компанијата која стои зад првата македонска стриминг платформа – Глеј.
Перушески беше дел од панел-дискусијата насловена „Од локален стартап до скалабилен бизнис со глобални амбиции“, каде што ја сподели развојната патека на платформата Глеј – од иновативна македонска идеја до дигитален продукт кој гради публика и надвор од границите на земјата. Неговото искуство ја илустрира важноста на визијата, истрајноста и фокусот врз локалната креативна индустрија како двигатели на раст и конкурентност.
Конференцијата EqualXChange е водечка платформа што ги обединува претприемачите, лидерите и визионерите со цел размена на идеи, искуства и решенија поврзани со родова еднаквост, инклузивно лидерство, иновации и одржлив раст. Организатор на EqualXChange е Алијансата за родова еднаквост на работното место – GEA, која и годинава успеа да обезбеди плодна средина за дијалог и инспирација.
Учеството на СВОД МАСТЕР АД и Дарко Перушески на оваа конференција е уште едно признание за растечкото влијание на Глеј како дигитална платформа која не само што нуди квалитетна забава, туку и активно учествува во значајни општествени теми.

„Глеј“ и М6 Едукативниот центар стартуваат со стратешкото партнерство за дигитална продукција и корпоративна едукација

„Глеј“ и М6 Едукативниот центар стартуваат со стратешкото партнерство за дигитална продукција и корпоративна едукација Компанијата СВОД МАСТЕР АД Скопје...